ემპათი თბილი, ღრმა და კომპლექსურია, იდეალიზმის გამო სულ საუკეთესო ურთიერთობის ძიებაშია. ის გრძელვადიან ურთიერთობებს ეძებს, თუმცა ყოველთვის ვერ პოულობს ხოლმე.
მეგობრობა
ემპათის მეგობარი ნებისმიერი ფსიქოტიპის წარმომადგენელი შეიძლება იყოს. ის ძალიან ინტუიტიურია, მლიქვნელობა და ტყუილი არ უყვარს და არც იმ ადამიანებთან ურთიერთობის ინტერესი აქვს, ვისაც ეს თვისებები აქვს.
ემპათი ყველა სახის ადამიანს იზიდავს და მიუხედავად იმისა, რომ ამას თვითონ ვერ აცნობიერებს, საკმაოდ პოპულარული ფსიქოტიპია.
სიყვარული
ემპათს მდიდარი წარმოსახვა და სწრაფი გონება აქვს, პარტნიორს ზრდასა და განვითარებაში ეხმარება, მის კონტროლს არ ცდილობს.
თუ ემპათს პარტნიორი დაშორდა, თავს განადგურებულად გრნობს და საკუთარი შეცდომებისა და ნაკლის ძიებას იწყებს, დაბალი თვითშეფასებით იტანჯება, მწუხარებას სხვების დახმარების გარეშე უმკლავდება, ენერგიას ნელა იკრებს და აგრძელებს ცხოვრებას.
ემპათს იდეალურ ურთიერთობასთან დაკავშირებით არარეალისტური მოლოდინები აქვს. თუ მისი ოცნებები და რეალობა ერთმანეთს არ დაემთხვა, განსხვავებებზე მორგების ნაცვლად, შეიძლება სხვაგან დაიწყოს ძიება.
გაიგე მეტი: როგორ მოვხიბლო ემპათი?
ემპათი, როგორც მშობელი
მშობლის პასუხისმგებლობას ემპათი სერიოზულად ეკიდება და შვილებისთვის მსხვერპლზე დაუფიქრებლად წავა. შვილებისთვის ღირებულებების გადაცემა მისთვის სერიოზული ვალდებულებაა.
ბავშვები ემპათს იხსენებენ, როგორც თბილ და მომთმენ მშობელს.
